បន្ទាយមានជ័យ ៖អនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិនៅថ្ងៃទី ១២ ខែមិថុនា ឆ្នាំ២០២៦លោកឧត្ដមសេនីយ៍ត្រី សឿម សារិទ្ធ ស្នងការ នៃស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំគណៈស្នងការ ស្តីអំពីការអនុវត្តន៍ តួនាទី ភារកិច្ច និង កិច្ចការងារជំនាញ និងលើកទិសដៅអនុវត្តបន្តដល់ថ្នាក់ដឹកនាំ នៃស្នងការដ្ឋាននគរបាលខេត្តបន្ទាយមានជ័យ។
ពិធីប្រជុំនេះធ្វើឡើងនៅសាលប្រជុំ(ក)នៃស្នងការដ្ឋាននគរបាលខេត្តដោយមានការអញ្ជើញចូលរួមពី លោក លោកស្រី ឧត្ដមសេនីយ៍ វរសេនីយ៍ស្នងការរងទាំងអស់ផងដែរ។
កិច្ចប្រជុំនេះធ្វើឡើងដើម្បីផ្លាស់ប្ដូរមតិយោបល់គ្នា ពាក់ព័ន្ធនិងកិច្ចការងារដែលប្រឈមរួមគ្នាគិតនិងដោះស្រាយបញ្ហាដេីម្បីអោយការងារទទួលបានជោគជ័យប្រកបដោយប្រសិទ្ធភាពខ្ពស់។
លោកឧត្ដមសេនីយ៍ ស្នងការ បានណែនាំដល់ លោក លោកស្រី ឧត្ដមសេនីយ៍ វរសេនីយ៍ ស្នងការរង ទាំងអស់ត្រូវអនុវត្តតួនាទី ភារកិច្ចរបស់ខ្លួនអោយបានល្អ ដេីម្បីអោយការងារអនុវត្តន៍ទទួលបានជោគជ័យ និងប្រកបដោយប្រសិទ្ធភាពស្របតាមគោលការណ៍របស់ប្រមុខថ្នាក់ដឹកនាំដែលបានដាក់ចេញ៕
