បន្ទាយមានជ័យ ៖អនុវត្តតាមការណែនាំរបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិថ្ងៃទី៣១ ខែមីនា ឆ្នាំ២០២៦នៅសាលប្រជុំ(ក)នៃស្នងការដ្ឋាននគរបាលខេត្តបន្ទាយមានជ័យ លោកឧត្ដមសេនីយ៍ត្រី សឿម សារិទ្ធ ស្នងការនគរបាលខេត្តបានអញ្ជើញជួបសំណេះសំណាលជាមួយក្រុមកងអនុសេនាតូចនគរបាល នៃស្នងការដ្ឋាននគរបាលខេត្តបន្ទាយមានជ័យ។
ពិធីនេះមានការអញ្ជើញចូលរួមពី លោកឧត្ដមសេនីយ៍ វរសេនីយ៍ស្នងការរង នឹងលោកវរសេនីយ៍ប្រធាន អនុប្រធានកងអនុសេនាតូចនគរបាល ព្រមទាំងសមាជិកកងជាច្រើនរូបផងដែរ។
ទន្ទឹមគ្នានេះផងដែរ លោកឧត្ដមសេនីយ៍ស្នងការ បានបញ្ជាក់ថាក្រុមកងអនុសេនាតូចនគរបាលនេះបង្កើតឡើងមានភារកិច្ចដេីម្បីធានា ដោះស្រាយសភាពការណ៍ដែលកេីតឡេីងដោយយថាហេតុ ដែលធ្វើឲ្យប៉ះពាល់ដល់ស្ថេរភាព សន្តិសុខ សណ្តាប់ធ្នាប់ និងសុវត្ថិភាពសង្គមលោកបានណែនាំដល់កងអនុសេនាតូចនគរបាលតូចទាំងអស់ត្រូវហ្វឹកហាត់បន្ថែម នឹងគោរពវិន័យសាមគ្គីភាពផ្ទៃក្នុងអោយបានល្អ៕
