បន្ទាយមានជ័យ ៖អនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិនៅថ្ងៃទី០២ ខែ មេសាឆ្នាំ២០២៦លោកឧត្ដមសេនីយ៍ត្រី វ៉ាត ចន្ថា ស្នងការរងជំនួយដឹកនាំការិយាល័យគណនេយ្យ តំណាង លោកឧត្ដមសេនីយ៍ត្រី សឿម សារិទ្ធ ស្នងការនៃស្នងការដ្ឋាននគរបាលខេត្តបន្ទាយមានជ័យបានដឹកនាំប្រតិភូនៃស្នងការដ្ឋាននគរបាលខេត្តចូលរួមគោរពវិញ្ញាណក្ខន្ធសព ឯកឧត្ដម អ៊ុំ សាខុម សមាជិកក្រុមប្រឹក្សាខេត្តបន្ទាយមានជ័យ អាណត្តិទី៤ នៅគេហដ្ឋាននៃសពស្ថិតនៅ ភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ក្នុងឱកាសដ៏ក្រៀមក្រំនេះដែរលោកឧត្ដមសេនីយ៍ត្រី វ៉ាត ចន្ថា បានពាំនាំការចូលរួមរំលែកទុក្ខដ៏ក្រៀមក្រំពីសំណាកលោកឧត្ដមសេនីយ៍ ស្នងការ នឹងរូបលោកផ្ទាល់ចំពោះការបាត់បង់នូវ ជីតា ឪពុក ស្វាមី ជាទីគោរពស្រឡាញ់ និងបាននាំយកថវិការបស់ស្នងការដ្ឋាននគរបាលខេត្តបន្ទាយមានជ័យចូលរួមក្នុងកម្មវិធីបុណ្យផងដែរ៕
