បន្ទាយមានជ័យ ៖អនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅថ្ងៃទី៧ ខែឧសភា ឆ្នាំ២០២៦ លោកឧត្ដមសេនីយ៍ត្រី សឿម សារិទ្ធ ស្នងការនៃស្នងការដ្ឋាននគរបាលខេត្តបន្ទាយមានជ័យបានចាត់តាំងលោកឧត្ដមសេនីយ៍ត្រី គង់ វិនឌី ស្នងការរងផែនការងារសន្តិសុខអញ្ជើញចូលរួមពិធីបេីកវគ្គបណ្ដុះបណ្ដាលស្តីពី មូលដ្ឋានគ្រឹះ និងវិធីសាស្ត្រស្រាវជ្រាវបទល្មើសបច្ចេកវិទ្យាដល់មន្ត្រីនគរបាលជាតិនៃស្នងការនគរបាលខេត្តបន្ទាយមានជ័យ។
ដែលមានសិក្ខាកាមជានាយ នាយរងការិយាល័យ លោកអធិការ អធិការរងក្រុង-ស្រុកទាំង៩ និង នាយ នាយរងផ្នែក ព្រមទាំងមន្ត្រីនគរបាលចំនួន៤៩នាក់ស្រី០២នាក់។
វគ្គសិក្សាដែលមានរយៈពេល២ថ្ងៃនេះ នឹងបំពាក់នូវជំនាញបន្ថែមដល់មន្ត្រីអនុវត្តន៍ច្បាប់ ក្នុងការធ្វើការស្រាវជ្រាវ បទល្មើសតាមបណ្ដាញបច្ចេកវិទ្យានៅមូលដ្ឋានរបស់ខ្លួន។
ពិធីនេះធ្វើឡើងក្រោមអធិបតីភាពលោកឧត្ដមសេនីយ៍ត្រី ឃួន សុក្រពិសិដ្ឋ អនុប្រធាននាយកដ្ឋានប្រឆាំងបទល្មើសបច្ចេកវិទ្យា តំណាងលោកឧត្ដមសេនីយ៍ទោ សុខ នីត្យា ប្រធាននាយកដ្ឋានប្រឆាំងបទល្មើសបច្ចេកវិទ្យា៕
