(បន្ទាយមានជ័យ)៖ដោយមានការយកចិត្តទុក្ខដាក់ដ៏ខ្ពង់ខ្ពស់ពីសំណាក់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ នៅថ្ងៃទី ៥ ខែ មិថុនា ឆ្នាំ ២០២៦ លោកឧត្ដមសេនីយ៍ត្រី សឿម សារិទ្ធ ស្នងការនៃស្នងការដ្ឋាននគរបាលខេត្តបន្ទាយមានជ័យ បានអញ្ជើញដឹកនាំលោកឧត្តមសេនីយ៍ វរសេនីយ៍ ស្នងការរង ព្រមទាំងសហការី ចុះសួសុខទុក្ខ និងនាំយកថវិកាចំនួន ២,០០០,០០០រៀល (ពីរលានរៀល)និងគ្រឿងឧបភោគបរិភោគ ជូនលោកវរសេនីយ៍ទោ តែ វ៉ាន់ នាយរងការិយាល័យប្រឆាំងបទល្មើសបច្ចេកវិទ្យា ហើយកំពុងសម្រាកព្យាបាលជំងឺ នៅគេហដ្ឋាន ភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
ក្នុងឱកាសនោះដែរលោកឧត្ដមសេនីយ៍ត្រី សឿម សារិទ្ធ ស្នងការនគរបាលខេត្តបន្ទាយមានជ័យ បានលើកទឹកចិត្ត និងជូនពរឆាប់ជាសះស្បើយ សូមឱ្យមានសុខភាពល្អមាំទាំឡើងវិញ ក្នុងខណៈនេះ ថ្នាក់ដឹកនាំតែងតែគិតគូរសុខទុក្ខបងប្អូនជានិច្ច និងយកចិត្តទុក្ខដាក់ខ្ពស់ដល់គ្រប់កងកម្លាំងទាំងអស់ ហើយប្ដេជ្ញាមិនបោះបង់បងប្អូនគ្រប់គ្នានោះទេ ។
លោកវរសេនីយ៍ទោ តែ វ៉ាន់ និងក្រុមគ្រួសារ បានថ្លែងគោរពអំណរគុណយ៉ាងជ្រាលជ្រៅចំពោះ លោកឧត្ដមសេនីយ៍ត្រី សឿម សារិទ្ធ ស្នងការនគរបាលខេត្ត រួមសហការី ដែលតែងតែគិតគូរនិងយកចិត្តទុកដាក់ដល់ក្រុមគ្រួសារកងកម្លាំងគ្រប់រូប ក៏ដូចជារូបលោកផ្ទាល់និងសូមគោរពជូនពរ លោកឧត្ដមសេនីយ៍ត្រី ស្នងការ រួមសហការីជួបតែពុទ្ធពរទាំងបួនប្រការគឺ អាយុ វណ្ណៈ សុខ: ពលៈកុំបីឃ្លៀងឃ្លាតឡេីយ៕
