រដ្ឋបាលខណ្ឌប្ញស្សីកែវ÷នារសៀលថ្ងៃអង្គារ ៩រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែកញ្ញា ឆ្នាំ២០២៥នេះ
កម្លាំងចំរុះគណៈបញ្ជាការឯកភាពរដ្ឋបាលខណ្ឌឫស្សីកែវ ដឹកនាំលោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពខណ្ឌ បានចុះរដ្ឋបាលតាមផ្ទៃទឹក ដើម្បីពិនិត្យការងារសន្តិសុខ សណ្ដាប់ធ្នាប់របៀបរៀបរយតាមច្រាំងទន្លេ ជាពិសេសការសាងសង់សំណង់ផ្សេងៗរំលោភយកដីចំណីទន្លេ។ គួរបញ្ជាក់ផងដែរថា នៅក្នុងមូលដ្ឋានខណ្ឌឫស្សីកែវ មានសង្កាត់ចំនួន៦ ក្នុងចំណោម៧សង្កាត់ ដែលមានភូមិសាស្ត្រជាប់នឹងដងទន្លេសាប។
ជាមួយគ្នានេះដែរ លោកអភិបាលបានណែនាំដល់កម្លាំងអធិការនគរបាលខណ្ឌ កម្លាំងប៉ុស្តិ៍ និងកម្លាំងប្រជាការពារភូមិ ត្រូវបន្តពង្រឹងការងារសន្តិសុខសណ្ដាប់ធ្នាប់ និងល្បាតតាមដងទន្លេ អោយបានទៀងទាត់ ផងដែរ៕
