(បន្ទាយមានជ័យ):នៅព្រឹកថ្ងៃអង្គារ ១១រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៦ ខែធ្នូ ឆ្នាំ២០២៥ លោក អឹង សៀងហ៊ី អាជីវករក្រុងសិរីសោភ័ណ បានបន្តឧបត្ថម បាយកញ្ជប់ចំនួន៤០០កញ្ជប់ ដល់កម្លាំងនគរបាលនៃស្នងការដ្ឋាននគរបាលខេត្តបន្ទាយមានជ័យ និងបន្តប្រគល់ជូនដល់កម្លាំងតាមគោលដៅ ។
លោកឧត្តមសេនីយ៍ត្រី ចាប សុផាប្ញទ្ធិ ស្នងការរងផែនការងារប្រឆាំងបទល្មើសសេដ្ឋកិច្ច តំណាង លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានថ្លែងអំណរគុណយ៉ាងជ្រាលជ្រៅ ចំពោះលោក អឹង សៀងហ៊ី អាជីវករក្រុងសិរីសោភ័ណដែលបានបាយកញ្ជប់ចំនួន៤០០កញ្ជប់ ដល់ស្នងការដ្ឋាន សម្រាប់ជូនដល់កងកម្លាំងនគរបាលតាមគោលដៅ ក្នុងកិច្ចការការពារបូរណៈភាពទឹកដី ។
លោកឧត្តមសេនីយ៍ត្រី ចាប សុផាប្ញទ្ធិ ក៏បានថ្លែងអំណរគុណ និង ជូនពរដល់ លោក អឹង សៀងហ៊ី អាជីវករក្រុងសិរីសោភ័ណ និងក្រុមគ្រួសារ រកសុីទទួលទានមានបាន និង ជួបតែសេចក្ដីសុខ គ្រប់ប្រការ សុខភាពមាំមួន និងជួបប្រទ:តែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕
